Шинэхэн бизнесээ эхлүүлж, компаниа байгуулж, УБЕГ-т бүртгүүлэх гэж буй таны цагийг хэмнэж, ажлыг хөнгөвчлөхийн тулд энэхүү зөвлөгөө, зааварчилгааг бэлтгэлээ.

1-р алхам:

Хуулийн этгээдийн нэр сонгох:

• УБЕГ-ын нээлттэй мэдээллийн сангаас өөрийн сонгох нэршил боломжтой эсэхийг шалгана. http://les.burtgel.gov.mn/ вэбсайтад хандан нэр сонгох бөгөөд заавар, зөвлөгөөний хамт байрлаж байгаа болно.
• Улсын бүртгэгчээс авах бол үйлчилгээний хөлсийг (44,000₮) банканд тушаасан баримттай ирэхийг анхаарна уу. 

2-р алхам:

Бичиг баримт бүрдүүлэх:

Компани үүсгэн байгуулахад шаардлагатай бичиг баримтыг бэлтгэнэ. Дараах бичиг баримтууд хамаарах ба дэлгэрэнгүй зааварчилгааг https://burtgel.gov.mn/service/index.php/les-newlist/les-new холбоосоор орж авна уу.

• Үүсгэн байгуулагчийн шийдвэр/тогтоол
• Дүрэм (2 хувь)

• Өргөдөл гаргах эрх бүхий этгээдийн цахим үнэмлэхийн хуулбар
• Хуулийн этгээд байрлах хаягийн нотлох баримт
• Хөрөнгийн нотлох баримт (Дансны хуулга)

3-р алхам:

Байгууллагын түр данс шинээр нээх:

• Байгууллагыг төлөөлж данс нээлгэж буй этгээдийн биеийн байцаалт
• Данс нээлгэх тухай бичгээр гаргасан хүсэлт (Данс нээх, Интернэт банканд бүртгүүлэх агуулгыг давхар оруулах)
• Харилцагчийн мэдээллийн маягт (Банкан дээр)
• Компани үүсгэн байгуулах тухай тогтоол, шийдвэр, эсвэл дүрэм
• Үүсгэн байгуулагч тус бүрийн биеийн байцаалтын хуулбар
• Улсын бүртгэлийн байгууллагаас олгосон нэрийн баталгаажуулалтын хуудас
• Банкнаас баталгаат гарын үсгийн маягт авах (Нотариатаар баталгаажуулах зорилгоор)
• Банкнаас нэмэлтээр шаардах бусад бичиг баримт

4-р алхам:

УБЕГ-т бүртгүүлэх:

• Бүрдүүлсэн бичиг баримтаа өгч дараах бичиг баримтуудыг хүлээн авна.
  • Гэрчилгээ
  • УБЕГ-ын тамгатай дүрэм эх хувиар
  • Тамга, тэмдгийн хяналтын дугаар олгох хуудас

5-р алхам:

Тамга хэвлүүлэх:

Дурын тамга хэвлэлийн компанид хяналтын дугаар олгох хуудсыг авч очин тамгаа хэвлүүлнэ.

6-р алхам:

Нотариатаар баталгаат гарын үсэг баталгаажуулах:

Банкны дансанд гүйлгээ хийх эрх бүхий этгээдүүд биечлэн очно.

7-р алхам:

Банкны дансаа идэвхжүүлэх:

• Албан хүсэлт (Тамга, гарын үсэгтэй)
• Улсын бүртгэлийн гэрчилгээ
• Хуулийн этгээдийн дүрэм
• Харилцагчийн мэдээллийн маягт
• Баталгаат гарын үсэг, тамганы загвар (нотариатаар баталгаажуулсан)
• Мөнгөн хөрөнгө захиран зарцуулах эрх бүхий албан тушаалтны биеийн байцаалт
• Эцсийн өмчлөгч тус бүрийн биеийн байцаалт, нөлөө бүхий хувьцаа эзэмшигчдийн биеийн байцаалт
• Үйл ажиллагааны чиглэлд нь тусгай зөвшөөрөл шаардлагатай бол тухайн тусгай зөвшөөрөл